10th Tamil | Tamil Solvalam | தமிழ்ச்சொல் வளம்
- தாள் – நெல், கேழ்வரகு முதலியவற்றின் அடி
- தண்டு – கீரை, வாழையின் அடி
- கோல் – நெட்டி, மிளகாய்ச் செடியின் அடி
- தூறு- குத்துச்செடி, புதர் முதலியவற்றின் அடி
- தட்டு (அ) தட்டை – கம்பு, சோளம் முதலியவற்றின் அடி
- கழி – கரும்பின் அடி
- கழை – மூங்கிலின் அடி
- அடி – புளி, வேம்புவின் அடி
அடிப்பகுதிபிரிவு பெயர்:
- கவை – மரத்தினின்று பிரியும் மாபெரும் கிளை
- கொம்பு (அ) கொப்பு – கவையின் பிரிவு
- கிளை – கொம்பின் பிரிவு
- சினை – கிளையின் பிரிவு
- போத்து – சினையின் பிரிவு
- குச்சி – போத்தின் பிரிவு
- இணுக்கு – குச்சியின் பிரிவு
தாவர இலைப் பெயர்:
- புளி, வேம்பு – இலை
- தென்னை – பனை
- நெல், புல் – தாள்
- காய்ந்த இலை – சருகு
- சோளம், கரும்பு – தோகை
தாவரங்களின் பிஞ்சுவகைப் பெயர்:
(பூம்பிஞ்சு -பூவோடு கூடிய இளம்பிஞ்சு, பிஞ்சு – இளம்காய்)
- வடு – மாம்பிஞ்சு
- இளநீர் – முற்றாத தேங்காய்
- மூசு – பலாப்பிஞ்சு
- நுழாய் – இளம்பாக்கு
- கவ்வை – எள் பிஞ்சு
- கருக்கல் – இளநெல்
- குரும்பை – தென்னை, பனை பிஞ்சு
- கச்சல் – வாழைப்பிஞ்சு
தாவரங்களின் குலைப் பெயர்:
- கொத்து – அவரை, துவரை
- கதிர் – கேழ்வரகு, சோளக் கதிர்
- குலை – கொடி முந்திரி
- அலகு (அ) குரல் – நெல், தினைக் கதிர்
- தாறு – வாழைக்குலை
- சீப்பு – வாழைத் தாற்றின் பகுதி
கெட்டுப்போன காய், கனிப்பெயர்:
- சூம்பல் – நுனியில் சுருங்கிய காய்
- சிவியல் – சுருங்கிய பழம்
- சொத்தை – புழுபூச்சி அரித்த காய் (அ) கனி
- வெம்பல் – சூட்டினால் பழுத்த பிஞ்சு
- அளியல் – குளுகுளுத்த பழம்
- அழுகல் – குளுகுளுத்து நாறிய பழம் (அ) காய்
- சொண்டு – பதறாய்ப் போன மிளகாய்
- கோடான்காய் (அ) கூகைக்காய் – கோட்டான் அமர்ந்ததினால் கெட்ட காய்
- தேரைக்காய் – தேரை அமர்ந்ததினால் கெட்டகாய்
- அல்லிக்காய் – தேரை அமாந்ததினால் கெட்ட தேங்காய்
- ஒல்லிக்காய் – தென்னையில் கெட்ட காய்
பழங்களின் மேற்பகுதியினைக் குறிக்க அவற்றின் தன்மைக்கேற்ப தாவரங்களுக்கு வழங்கப்படும் சொற்கள்
- தொலி – மிக மெல்லியது
- குடுக்கை – சுரையின் ஓடு
- தோல் – திண்ணமானது
- மட்டை – தேங்காய் நெற்றின் மேற்பகுதி
- தோடு – வன்மையானது
- உமி – நெல், கம்பு ஆகியவற்றின் மூடி
- ஓடு – மிக வன்மையானது
- கொம்மை – வரகு, கேழ்வரகு உமி
தானியங்களுக்குத் தாவரத்திற்கேற்ப வழங்கப்படும் சொற்கள்
- கூலம் – நெல், புல் தானியங்கள்
- பயறு – அவரை, உளுந்து
- கடலை – வேர்க்கடலை
- விதை – கத்தரி, மிளகாய் வித்து, கொண்டைக் கடலை
- காழ் – புளி, காஞ்சிரை வித்து
- முத்து – வேம்பு, ஆமணக்கு வித்து
- கொட்டை – மா, பனை வித்து
- தேங்காய் – தென்னை வித்து
- முதிரை – அவரை, துவரை பயறுகள்
தாவரங்களின் இளம் பருவத்திற்கான சொற்கள்
- நாற்று – நெல், கத்திரியின் இளநிலை
- கன்று – மா, புளி, வாழையின் இளநிலை
- குருத்து – வாழையின் இளநிலை
- பிள்ளை – தென்னையின் இளநிலை
- குட்டி – விளாவின் இளநிலை .
- மடலி (அ) வடலி – பனையின் இளநிலை
- பைங்கூழ் – நெல், சோளத்தின் இளநிலை
0 கருத்துகள்