காவடிச்சிந்து TNPSC General Tamil

 

• காவடி தமிழ்ப் பண்பாட்டுக்கூறுகளுள் ஒன்று. 
• உலகெங்கும் வாழும் தமிழர்கள் குன்றுதோறும் வீற்றிருக்கும் முருகன் கோவில்களில் காவடி எடுத்து ஆடுவது வழக்கமாக உள்ளது. 
• காவடி தூக்கிச் செல்வோர், அதைச் சுமையாக எண்ணாமல் பாடியவாறே செல்வதற்கு வழிநடைப் பாடல்களை இயற்றியுள்ளனர்.

• தமிழ்நாட்டில் பண்டைக்காலம் முதல் நாட்டார் வழக்கிலுள்ள இசைமரபே காவடிச் சிந்து எனலாம். 
• முருகப் பெருமானின் வழிபாட்டிற்காகப் பால் முதலான வழிபாட்டுப் பொருட்களைக் கொண்டு செல்வோர், ஆடல் பாடல்களுடன் ஆலயங்களை நோக்கிச் செல்வர். 
• அவர்களின் வழிநடைப்பாடல் வகைகளிலிருந்து காவடிச் சிந்து எனும் பாவடிவம் தோன்றியது.
  

சொல்லும் பொருளும்

புயம் - தோள்; 

வரை – மலை; 

வன்னம் – அழகு; 

கழுகாசலம் கழுகு மலை; 

துஜஸ் தம்பம் - கொடி மரம்; 

சலராசி - கடலில் வாழும் மீன் முதலிய உயிர்கள்; 

விலாசம் - அழகு; 

நூபுரம் - சிலம்பு; 

மாசுணம் – பாம்பு; 

இஞ்சி - மதில்; 

புயல் - மேகம்; 

கறங்கும் - சுழலும்.

இலக்கணக்குறிப்பு

தாவி - வினையெச்சம், 

மாதே - விளி 

பகுபத உறுப்பிலக்கணம்

வருகின்ற - வா(வரு) + கின்று + அ

வா - பகுதி, வரு எனத் திரிந்தது விகாரம்

கின்று - நிகழ்கால இடைநிலை

அ - பெயரெச்ச விகுதி

புணர்ச்சி விதி

திருப்புகழ் - திரு + புகழ்

இயல்பினும் விதியினும் நின்ற உயிர் முன் கசதப மிகும். திருப்புகழ்

உயர்ந்தோங்கும் - உயர்ந்து + ஓங்கும்

உயிர்வரின் உக்குறள் மெய் விட்டோடும் உயர்ந்த் + ஓங்கும்.

உடல்மேல் உயிர் வந்து ஒன்றுவது இயல்பே உயர்ந்தோங்கும்.

Click & Download Full Pdf

நூல்வெளி

• 19ஆம் நூற்றாண்டைச் சேர்ந்த சென்னிகுளம் அண்ணாமலையார் பாடிய காவடிச்சிந்து அருணகிரியாரின் திருப்புகழ்த் தாக்கத்தால் விளைந்த சிறந்த சந்த இலக்கியமாகும். இப்பாடலின் மெட்டு அண்ணாமலையாராலேயே அமைக்கப்பட்டதாகும். 
• தமிழில் முதன்முதலில் வண்ணச்சிந்து பாடியதால், காவடிச் சிந்தின் தந்தை என அழைக்கப்பட்டார்; 
• 18 வயதிலேயே ஊற்றுமலைக்குச் சென்று அங்குக் குறுநிலத்தலைவராக இருந்த இருதயாலய மருதப்பத் தேவரின் அரசவைப் புலவராகவும் இருந்தார். 
• இவர், இந்நூல் தவிர வீரைத் தலபுராணம், வீரை நவநீத கிருஷ்ணசாமி பதிகம், சங்கரன்கோவில் திரிபந்தாதி, கருவை மும்மணிக்கோவை, கோமதி அந்தாதி ஆகிய நூல்களையும் இயற்றியுள்ளார்.