10th Tamil - விருந்து போற்றுதும்!
TNPSC, TN Police, TNTET ஆகிய போட்டித்தேர்வுகளுக்கான
விருந்தினர் என்றால் உறவினர் என்று இக்காலத்தினர் கருதுகின்றனர். உறவினர் வேறு, விருந்தினர் வேறு. முன்பின் அறியாத புதியவர்களுக்கே விருந்தினர் என்று பெயர்.
‘விருந்தே புதுமை ’ என்று தொல்காப்பியர் கூறியுள்ளார்.
“…………………… தொல்லோர் சிறப்பின்
விருந்தெதிர் கோடலும் இழந்த என்னை”
- சிலப்பதிகாரம், 16:72,73
கோவலனைப் பிரிந்து வாழும் கண்ணகி அவனைப் பிரிந்ததை விட விருந்தினரைப் போற்ற முடியாத நிலையை எண்ணி வருந்துவதாக இளங்கோவடிகள் குறிப்பிடுகிறார்.
"பொருந்து செல்வமும் கல்வியும் பூத்தலால்
வருந்தி வந்தவர்க்கு ஈதலும் வைகலும்
விருந்தும் அன்றி விளைவன யாவையே"
- கம்பராமாயணம், 1:2:36
கல்வியும் செல்வமும் பெற்ற பெண்கள், விருந்தும் ஈகையும் செய்வதாகக் கம்பர் குறிப்பிட்டுள்ளார்.
"விருந்தினரும் வறியவரும் நெருங்கி யுண்ண
மேன்மேலும் முகமலரும் மேலோர் போல"
- கலிங்கத்துப்பரணி, 477
கலிங்கத்துப்பரணில் செயங்கொண்டார் விருந்தினர்க்கு உணவிடுவோரின் முகமலர்ச்சியை உவமையாக்கியுள்ளார்.
தனித்து உண்ணாமை என்பது தமிழரின் விருந்தோம்பல் பண்பின் அடிப்படை.
அமிழ்தமே கிடைத்தாலும் தாமே உண்ணாது பி்றருக்கும்
கொடுப்பர் நல்லோர்; அத்தகையோரால்தான் உலகம் நிலைத்திருக்கி்றது என்பதை,
“உண்டால் அம்ம, இவ்வுலகம் இந்திரர்
அமிழ்தம் இயைவ தாயினும், இனிதுஎனத்
தமியர் உண்டலும் இலரே....... ”
- பு்றநானூறு, 182
என்று இ்ளம்பெருவழுதி குறிப்பிட்டுள்ளார்.
நடு இரவில் விருந்தினர் வந்தாலும் மகிழ்ந்து வரவேற்று உ்ணவிடும் நல்லியல்பு குடும்பத் தலைவிக்கு உண்டு. இதை
“அல்லில் ஆயினும் விருந்து வரின் உவக்கும்”
என்று நற்றிணை (142) குறிப்பிடுகி்து.
பழமொழிகளை நிறைவு செய்க.
உப்பில்லாப் …………………………
ஒரு பானைச் …………………………
உப்பிட்டவரை …………………………
விருந்தும் …………………………
அளவுக்கு …………………………
Answer:
உப்பில்லாப் பண்டம் குப்பையிலே.
ஒரு பானைச் சோற்றுக்கு, ஒரு சோறு பதம்.
உப்பிட்டவரை உள்ளளவும் நினை.
விருந்தும் மருந்தும் மூன்று நாட்கள்.
அளவுக்கு மிஞ்சினால் அமுதமும் நஞ்சு.
0 கருத்துகள்