திருக்குற்றாலக் குறவஞ்சி

சிற்றிலக்கியங்கள்: திருக்குற்றாலக் குறவஞ்சி - கலிங்கத்துப்பரணி - முத்தொள்ளாயிரம், தமிழ்விடு தூது - நந்திக்கலம்பகம் - முக்கூடற்பள்ளு - காவடிச்சிந்து - முத்துக்குமாரசாமி பிள்ளைத் தமிழ் - இராஜராஜ சோழன் உலா - தொடர்பான செய்திகள்

11th Tamil திருக்குற்றாலக்குறவஞ்சி

தமிழ்நாட்டின் தென்காசிக்கு அருகில் அமைந்திருக்கும் குற்றாலம் என்னும் ஊரின் சிறப்பைப் புகழ்ந்து, அங்குள்ள குற்றாலநாதரைப் போற்றிப் பாடப்பட்டது திருக்குற்றாலக் குறவஞ்சி.
இந்நூல், திரிகூட ராசப்பக் கவிராயரின் கவிதைக் கிரீடம் என்று போற்றப்பட்டது. மதுரை முத்துவிசயரங்க சொக்கலிங்கனார் விருப்பத்திற்கு இணங்கப் பாடி அரங்கேற்றப்பட்டது.
திரிகூட ராசப்பக் கவிராயர் திருநெல்வேலியில் தோன்றியவர்.
குற்றாலநாதர் கோவிலில் பணிபுரியும் காலத்தில் சைவசமயக் கல்வியிலும் இலக்கிய இலக்கணங்களிலும் தேர்ச்சி பெற்றார்.

'திருக்குற்றாலநாதர் கோவில் வித்துவான்' என்று சிறப்புப் பட்டப்பெயர் பெற்றவர்.
குற்றாலத்தின்மீது தலபுராணம், மாலை, சிலேடை, பிள்ளைத்தமிழ், யமக அந்தாதி முதலிய நூல்களையும் இயற்றியிருக்கின்றார்.

குறவஞ்சி என்பது ஒரு வகை நாடக (opera) இலக்கிய வடிவமாகும். இது சிற்றிலக்கிய வகைகளில் ஒன்று.
பாட்டுடைத் தலைவன் உலா வரக்கண்ட தலைவி, அத்தலைவன் மீது காதல்கொள்ள, குறவர் குலத்தைச் சேர்ந்த பெண்ணொருத்தி தலைவிக்குக் குறிகூறிப் பரிசில் பெறும் செய்திகளைக் கூறுவதால் குறவஞ்சி என்னும் பெயர் பெற்றது.
இது குறத்திப்பாட்டு என்றும் வழங்கப்படுகின்றது.
பரிசில் பெற்றுவரும் சிங்கிக்கும் சிங்கனுக்கும் இடையிலான உரையாடல் சுவைமிக்கது.

சொல்லும் பொருளும்

கொத்து - பூமாலை

குழல் - கூந்தல்

கோலத்து நாட்டார் - கலிங்க நாட்டார்

வரிசை - சன்மானம்

நாங்கூழ் - மண்புழு

இலக்கணக்குறிப்பு

மாண்ட தவளை – பெயரெச்சம்

பகுபத உறுப்பிலக்கணம்

பெற்ற – பெறு(பெற்று)+அ

பெறு – பகுதி

பெற்று – ஒற்று இரட்டித்து இறந்தகாலம் காட்டியது

அ – பெயரெச்ச விகுதி

புணர்ச்சி விதி

பயமில்லை - பயம் + இல்லை

உடல்மேல் உயிர்வந்து ஒன்றுவது இயல்பே - பயமில்லை